टोकियो: जापान सरकारले कोरोनाभाइरसको प्रसार रोक्नको लागि बिहीबार टोकियो लगाएत कानागावा, सैतामा र चिबा क्षेत्रहरुमा आपतकालिन अवस्था घोषणा गर्ने निर्णय गरेको छ।
सम्भवत घोषणा जनवरी ७ शुक्रवारदेखि फेब्रुअरी सम्म लागु हुने जनाइएको छ । सरकारले आपतकालीन घोषणाको लागि सल्लाहकार समितिबाट राय लिई सकेको छ भने यसलाई संसदमा सुचिकृत गरिसके पश्चात कोरोना भाइरस रोकथाम कार्यदलले औपचारिक निर्णय गरेपछि लागु हुनेछ ।
जसको लागि प्रधानमन्त्री सुगाले आर्थिक पुनरुत्थान मंत्री निशिमुरा यासुतोशी र स्वास्थ्यमन्त्रि तामुरा नोरिहिसासँग भेट गर्नु भएको छ । भेटमा आपतकाल घोषणा र तत्कालिन राहत आदिको बारेमा छलफल गरेको बताइएको छ ।
