काठमाडौं । समाजबादी पार्टी र राष्ट्रिय जनता पार्टी नेपाल मिलेर बनेको जनता समाजवादी पार्टी नेपाल बिच तिन अध्यक्ष राख्नेमा सहमति जुटेको छ ।
नेतृत्व र वरियतामा महन्थ ठाकुर पहिलो, डा बाबुराम भट्टराई दोस्रो दर्जाको अध्यक्ष र उपेन्द्र यादव तेस्रोमा हुने छलफलबाट नेतृत्व र वरियताका विषयमा टुंगो लगाइएको हो ।
सहमति संगै महन्थ ठाकुर अध्यक्षसहितको पहिलो वरियतामा रहने छ भने उनकै नेतृत्वमा निर्वाचन आयोगमा पार्टी दर्ता गराइने छ । यस्तै डाक्टर बाबुराम भट्टराईलाई दोस्रो वरियता र संघीय परिषद् अध्यक्ष दिने सहमति भएको छ । तेस्रो वरियता भने उपेन्द्र यादव केन्द्रीय समितिको अध्यक्ष बन्नेछन् ।
यस्तै अशोक राई र राजेन्द्र महतो वरिष्ठ नेता हुँदा उनीहरुको वरियता क्रमशः चौथो र पाँचौ हुने सहमति बनेको बताएको छ । पार्टी केन्द्रीय समिति ५१ सदस्सीय रहनेछ ।
सहमति बनेसँगै अब निर्वाचन आयोगमा एकीकृत पार्टी दर्ता गराइनेछ । यसअघि नेतृत्वको विषयमा विवाद रहँदा पार्टी दर्तामा ढिलाइ हुँदै आएको थियो ।
