इरानले बुधबार गरेको मिसाइल आक्रमणमा परि करिब ८०जना अमेरिकी सेना मारिएको इरानी सञ्चार माध्यमहरुले दाबी गरेको छ । इरानी सरकारी टेलिभिजनले जनाएअनुसार इरानी अधिकारीहरुले १५ मिसाइल प्रहार गर्दा कम्तिमा १५ अमेरिकी आतंकवादी मारिएको भन्ने अभिव्यक्ति दिएका छन् ।
रिभ्युलुसनरी फोर्स उच्च स्रोतको हवला दिँदै इरानी टेलिभिजनले ८० जना अमेरिकी आतंकवादी मारिनुका साथै निशानामा परी अमेरिकी सैन्य उपकरणमा ठूलो क्षति पुगेको जानकारी दिएको छ ।
इरानले अमेरिकाले कुनै आक्रमण गरे जवाफी कारबाहीका लागि १०० निशाना तयारीमा राखिएको भनी चेतावनी दिएको हो । बुधबार बिहान इरानले पश्चिमी इराकको इन् अल आसाद र इरविलकास्थित अमेरिकी गठबन्धन सेनाका दुई बेस क्याम्पमा मिसाइल प्रहार गरेको थियो ।
गत साता अमेरिकी आक्रमणमा इरानी कमाण्डर कासिम सुलेमानी मारिएपछि इरानले अमेरिकालाई आतंककारी घोषणा गर्दै बदला लिने धम्की दिँदै आएको छ।
