सोलुखुम्बु । केही समयअघि कतार एयरबाट नेपाल आएका सोलुखुम्बुका दुई जनामा कोरोना संक्रमण नभेटिएको हो ।
कोरोना जाँचका क्रममा उनीहरुमा कोरोना ‘नेगेटिभ’ आएको हो ।
सोलुदुधकुण्ड नगरपालिकाका अध्यक्ष नाम्गेल जाङबु शेर्पाले सामाजिक सञ्जालमार्फत दुबै जनामा कोरोना संक्रमण नभेटिएको भन्दै खुसी व्यक्त गरे ।
सोलुखुम्बुका पेम्बा शेर्पा र सोनाम छोग्यल शेर्पा केही समय अघि कतारबाट नेपाल आएका थिए । उनीसँगै फ्रान्सबाट आएकी एक १९ बर्षीय य्ुवतीमा कोरोना पोजिटिभ भेटिएपछि उक्त विमानमा नेपाल आएका सबैको कोरोना जाँच गरेका थिए ।लामो समय खोजिपछि उक्त विमानबाट आएकाहरु सरकारी निकायको सम्पर्कमा आएका थिए ।
यसैवीच, नगरप्रमुख शेर्पाले दैनिक मजदुरी गरी जीविकोपार्जन गर्नेहरुको जीवनयापनमा समस्या भएमा सम्पर्क गर्न आह्वान गरेको छ । दैनिक गुजरा टार्न समस्या भएकाहरुले आफूलाई सिधै सम्पर्क गरे नगरपालिकाले रासन लगायतको व्यवस्थापन गर्ने उनले आफ्नो फेसबुकमा उल्लेख गरेका शेेेर्पा खबरले लेखेको छ ।
