नेकपा एमालेको पुनगर्ठन गर्न एकीकृत समाजवादी बनाएको दाबी गरिएको प्रतिवेदनमा ओलीकै कारण वाम गठबन्धन, झण्डै दुई तिहाइ जनमत, नेपाल कम्युनिष्ट पार्टी (नेकपा) भंग हुनु देखि एमालेको एकता समेत नजोगिएको उल्लेख छ । यसमा अध्यक्ष ओलीको निरंकुश र व्यक्तिवादी शैली प्रमुख कारण रहेको प्रतिवेदनको निष्कर्ष छ ।
‘व्यक्तिवादी अहंकारवाद हावी हुँदै गयो । व्यक्ति पूजाको संस्कृति मौलाउँदै गयो । पार्टीलाई दक्षिणपन्थी अवसरवादको दलदलमा धकेल्दै लगियो’ प्रतिवेदनमा ओलीमाथि आरोप लगाइएको छ । तत्कालीन नेकपाभित्र पुष्पकमल दाहाल प्रचण्डले साथ छोडेपछि केपी ओली पार्टीभित्रको शक्ति समीकरणमा अल्पमतमा परेयताका घटनाक्रम सिलसिलेबार रुपमा प्रस्तुत गरिएको छ ।
२३ फागुनमा अदालतले माग दावी भन्दा अगाडि बढेर नेकपाको एकता प्रक्रिया भंग गरेपनि पुनः एकताबद्ध पार्टी राख्न ओलीले नै नचाहेको प्रतिवेदनमा उल्लेख छ । अझ २८ फागुनमा ‘विशेष बैठक’ भनेर अध्यक्ष ओलीले गरेको निर्णयले एमालेको एकता पनि नजोगिएको अध्यक्ष नेपालको निष्कर्ष छ । २८ फागुनमा ओलीले गरेकै निर्णयकै कारण ४–५ चैतमा आफ्नो पक्षले राष्ट्रिय कार्यकर्ता भेला गरेर समानान्तर संगठन र गतिविधि गर्नुपरेको प्रतिवेदनमा छ । समानान्तर कमिटी बनेपनि एकताको प्रयास भएको उल्लेख गरिएको छ ।
तर अध्यक्ष ओलीले ७ जेठमा दोस्रो पटक पनि प्रतिनिधिसभा विघटन गर्ने निर्णय गरेपछि एकताबद्ध एमालेको संभावना टरेको निष्कर्ष निकालिएको छ । १० बुँदेले प्राविधिक एकताको मात्रै कुरा गर्ने भएकाले दोस्रो पटक संसद् विघटनको निर्णयलाई एमाले विभाजनको निर्णायक विन्दु ठहर्याइएको छ ।
प्रतिबेदन पूर्ण पाठ:
Loading...
Reload document 
Open in new tab 
