काठमान्डौ: आज भन्दा ठ्याक्कै १०० बर्ष अगाडी भाइरसजन्य रोगकै कारण करिब ५ करोड मानिसहरु मारिएका थिए । विज्ञान अहिले जस्तो विकशित थिएन त्यति बेला ।
त्यस्तै भाइरसजन्य रोग इबोलाको संक्रमण करिब २९ हजार मानिसहरुमा भएको थियो, जसमा ११ हजार भन्दा बढिको ज्यान गएको थियो । यो २०१४ पछिको कुरा हो तर विज्ञानले त्यसलाई जित्यो ।
अहिलेसम्म कोरोनाभाइरसको संक्रमणको चपेटामा करिब सवा २ लाख मानिसहरु परेका छन् जस मध्ये ९ हजार भन्दा केहि बढि मानिसहरुले मृत्युवरण गरेका छन् । निको हुनेको संख्या नै ८५ हजार भन्दा बढि छ । संसारभरका वैज्ञानिकहरु यसको ओखतिमुलोमा लागि परेका छन् । चिनमा कोरोनाको कहर नियन्त्रणको छेउमा छ ।
यसैले कोरोना लाग्ने बित्तिकै मरिदैन । विज्ञानले धेरै प्रगति गरेको छ । विज्ञानलाई विश्वास गरौँ । नआत्तिउँ । आधिकारिक सूचना बुझौँ र पालना गरौँ । कोरोनालाई पक्कै जितिन्छ ।
नोट : कोरोनाको संक्रमणको शंकामा एक मानिसले इन्डियामा आत्महत्या गरेका छन् ।
