दैलेख – ठाँटीकाँध गाउँपालिकाका अध्यक्ष धीबहादुर शाही र शाहीका श्रीमती इला अपहरणमा परेका छन।
शाही दम्पतीलाई नेत्रविक्रम चन्द विप्लव नेतृत्वको नेकपाका कार्यकर्ताले शनिबार राति साढे १२ बजेको अपहरण गरेको दैलखेका सहायक प्रमुख जिल्ला अधिकारी इन्द्रबहादुर क्षत्रीले जानकारी दिएकाहुन् ।
अध्यक्ष शाहीको भाइलाई भने अपहरण गरेको केही समयपछि छाडिएको सहायक प्रजिअ क्षत्रीले जानकारी दिए । इला कृष्ण माध्यमिक विद्यालयको प्रधानाध्यापक हुन भने भाइ हस्तबहादुर पनि शिक्षण पेशामै आबद्ध छन ।
गाउँपालिकाको बजेट दुरुपयोग गरेको भन्दै अध्यक्ष शाहीलाई पहिला पनि विप्लव नेतृत्वको नेकपाले चेतावनी पत्र दिएको थियो । अपहरणमा परेका शाही दम्पतीको खोजी भइरहेको प्रहरीले जनाएको छ ।
