साइबर क्राइमको आरोप लागेका नेकपा (एमाले) का पोलिटब्यूरो सदस्य महेश बस्नेत नेपाल प्रहरीको साइबर ब्युरोमा बयानका लागि हाजिर भएका छन् ।
प्रहरी प्रशासन स्रोतका अनुसार बस्नेतसँग बयान लिने तयारी गरिएको छ। बस्नेतविरुद्ध शोभा पाठकले साइबर अपराधसम्बन्धी उजुरी दिएकी थिइन्।
तर अनुसन्धान अघि नबढेपछि केही दिनअघि सरकारी वकिलको कार्यालयले अनुसन्धान अघि बढाउन प्रहरीलाई निर्देशन दिएको थियो। सो निर्देशनअनुसार ब्युरोले बस्नेतलाई बयानका लागि बोलाएको थियो।
त्यसअनुसार उनी बुधबार बिहान ब्युरो पुगेका हुन् र केहीबेरमा बयान सुरु हुने बताइएको छ।
