टोकियो: विश्व बैंकले गरेको लैङ्गिक असमानता प्रतिवेदनमा जापान १०४ औं स्थानमा परेको छ । महिला आर्थिक अवसरहरूमा गरेको यो वार्षिक सर्वेक्षणमा जापान १९० अर्थतन्त्रहरूमध्ये १०४ औं स्थानमा परेको हो । ओईसीडीका ३८ सदस्य राष्ट्रहरु मध्य जापान तल्लो तहमा रहेको छ ।
विश्व बैंकले बिहीबार आफ्नो पछिल्लो प्रतिवेदन सार्वजनिक गरेको हो । तलब, उद्यमशीलता, विवाह र पितृत्व लगायत आठ क्षेत्रमा आधारित आर्थिक लैङ्गिक असमानता हटाउन कानुन र नियममा कति प्रगति भएको छ भन्ने सर्वेक्षणले मूल्याङ्कन गरेको छ ।
सूचीमा शीर्ष १४ देशहरू प्रायः युरोपेली राष्ट्रहरु बेल्जियम, डेनमार्क, फ्रान्स र क्यानडा पनि परेको छ ।
पुरुष र महिलाले समान कामको लागि समान पारिश्रमिक पाउने कानुनको अभाव र कार्यस्थलमा हुने यौन दुव्र्यवहारलाई दण्डित गर्ने कानुन पनि मुलुकमा नभएको बताइएको छ ।
प्रतिवेदनले विश्वभर करिब २.४ अर्ब कामदार महिलालाई पुरुष सरह कानुनी अधिकार नभएको देखाएको छ । यसले देशहरूलाई महिलाहरूको लागि खेल मैदानलाई समेत स्तरोन्नति गर्न व्यापक कार्यहरू गर्न आग्रह गरेको छ ।
