टोकियो: तमु धिं जापानले २७ औं ल्होसार साँस्कृतिक साँझ यही आउदो २ जनवरी २०२२ आइतबारको दिन बिबिध साँस्कृतिक कार्यक्रम सहित मनाउने भएको छ ।
गत हप्ता सम्पन तमु धिं जापानको पुर्ण कार्य समितीको बैठकले ल्होसार साँस्कृतिक साँझ आउदो २ जनवरी २०२२ आइतबारको दिन कामता स्थित चौतारो रेष्टुरेन्टमा मनाउने निर्णय गरेको हो ।
बिबेशी भूमिमा रहेर पनि आफ्नो धर्म संकृतिलाई जिबन्त राख्दै आइरहेको तमु धिं जापानले हरेक बर्ष ल्होसार, रोंधि जस्ता तमुहरूको मौलिक चाड बिबिध साँस्कृतिक कार्यक्रम सहित मनाउदै आइरहेको छ । कोभिड १९ को महामारिका कारण गत साल सम्पन्न हुन नसकेको ल्होसार तथा साँस्कृतिक कार्यक्रम यासपालि भने प्राय जसो नगारिक हरुले खोप लगाइसकेको र माहामारिको स्थितीमा केही सुधार आएकोले तमु धिं जापानले ल्होसार बिबिध साँस्कृतिक कार्यक्रम सहित मनाउने निर्णय गरेको हो ।
गाइ बर्गको विदाइ र बाघ बर्गको स्वागत गरेर सम्पन्न हुने ल्होसार कार्यक्रममा स्थानिय तमु कलाकरहरुले भरपुर मनोरंजन दिने छ । कार्यक्रम सभ्य र भब्य बनाउन धिंले एक ओर्क फोर्स कार्यसमिति समेत बनाएको छ । जसको संयोजकमा सोममाया तमु र सह संयोजकमा श्री मान तमु रहनु भएको छ । भोलिन्टियरको जिम्मा खेलकुद संयोजक लिल तमु र युवा संयोजक पदम तमुले पाउनु भएको छ ।
त्यस्तै पम्प्लेट, व्याचहरु, टिकेट, चित्र तमु, अतिथि सत्कार: विष्णु माया, हिमाली तमु, अतिथि सत्कार गेटमा~ अनिला, विरु, मिथुन, टम तमु, सुमन तमु , अतिथि हेरचाह याम तमु र हर्क तमुले गर्नेछन । त्यस्तै कार्यक्रमको संचालन चित्र तमु र उद्घोषण पुनम र अरमान तमुले सयुक्त रुपमा गर्नेछन । स्टेज सजावटको जिम्मा प्रवक्ता बुद्द तमुको संयोजकत्वमा हुनेछन ।
साथै तमु धिं जापानले साधारण तथा आजिवन सदस्य धेरै भन्दा धेरै संस्थामा आबद्ध गर्नको लागि हेल्प डेक्सको समेत ब्याबस्था गरेको छ । जसको लागि विनय गुरुङको संयोजकत्वमा हेल्प डेस्क अभियान संचालन हुनेछन ।
