जापान सरकारले ओमिक्रोन भेरियन्टको सम्भावित खतरालाई  रोक्न  नयाँ विदेशी आगमनमा प्रवेश प्रतिबन्ध कायम राख्ने निर्णय गरेको छ । यसले विदेशी विद्यार्थीहरू, व्यवसायिक व्यक्तिहरू र प्राविधिक प्रशिक्षार्थीहरूका लागि हालैका उपायहरूको सहजतालाई असर पर्ने देखिन्छ ।

प्रधानमन्त्री किशिदा फुमियोले  भने, “मैले आपतकालीन उपायका रूपमा मंगलबारदेखि संसारभरका विदेशीहरूका लागि प्रवेशमा प्रतिबन्ध लगाउने निर्णय गरेको छु।  नराम्रो अवस्था नआओस् भन्ने हाम्रो लक्ष्य छ।” यो  निर्णय  कायम रहनेछन  जबसम्म  विशेषज्ञहरूले भेरियन्ट कत्तिको गम्भीर छ भनेर राम्रोसँग बुझ्दैनन्।

सरकारले ओमिक्रोन भेरियन्ट पुष्टि भइसकेको दर्जनभन्दा बढी ठाउँबाट जापानी नागरिकलाई समेत स्वदेश आउन प्रतिबन्ध गरेको  छ । अरु मुलुकबाट जापान प्रवेश गर्ने  यात्रुहरूलाइ  समेत  आगमनमा कडाइ गरेको छ । जापान आउने अत्रुले   धेरै दिनसम्म तोकिएका क्वारेण्टिनमा बस्नु पर्नेछ ।

जापानको नेशनल इन्स्टिच्युट अफ इन्फेक्सियस डिजिजले डब्ल्यूएचओको नेतृत्वलाई पछ्याउँदै ओमिक्रोनलाई “”variant of concern.” भनेर वर्गीकरण गरेको छ। यो भाइरस  अधिक संक्रामक हुन सक्ने हुनाले सबैलाई  सतर्क रहन आह्वान समेत गरेको छ ।