जनता समाजवादी पार्टीका नगर तथा क्षेत्रीय अध्यक्षसहित दर्जनौ कार्यकर्ता जनता समाजबादी परित्याग गरि नेकपा माओवादी केन्द्रमा प्रवेश गरेका छन् ।
रौतहटस्थित क्षेत्र ३ का पार्टी अध्यक्ष रामाकान्त चौरसिया, कटहरिया नगर अध्यक्ष दुर्गा साह रौनियारसहित नेता कार्यकर्ता नेकपा माओवादी केन्द्रमा प्रवेश गरेका हुन् । उहाहरु अध्यक्ष प्रचण्ड निवासमा पुगेर माओवादीमा प्रवेश गरेका हुन् । नव प्रवेशीहरुलाई अध्यक्ष प्रचण्डले टीका र माला लगाएर स्वागत गरेका थिए ।
जसपाले मधेसको विकास र मधेसीको सम्मान तथा पहिचान कायम गराउन नसक्ने भन्दै जसपाका वडा उम्मेदवार शंकर साह सोनार, भिखारी साह, फेंकु यादव, मजरुलहक लगायतका नेताहरू माओवादीमा प्रवेश गरेको बताएको छ । क्षेत्रीय अध्यक्ष रामाकान्त चौरसिया द्वन्द्वकालमा रौतहट क्षेत्र ३ स्थित माओवादीको एरिया कमान्डर रहेर लामो समय काम गरेका थिए ।
