जनकपुरधाम: नेकपा एकीकृत समाजवादी पार्टी प्रदेश २ को संसदीय दलको नेतामा शत्रुधनप्रसाद महतो चयन भएका छन् ।
महतो तत्कालिन नेकपा एमाले धनुषाको क्षेत्र नम्बर ४ (ख) बाट निर्वाचित संसद हुन् । निर्वाचन आयोगबाट राजनीतिक दलको मान्यता पाएलगत्तै नेकपा एकीकृत समाजवादीले नेता चयन गरेको हो ।
संसदीय दलको बैठकले नेता मात्रै चयन गरेको र प्रमुख सचेतकपछि चयन गरिने पार्टीका सांसद अशोक कुमार यादवले जानकारी दिएका छन् । यादवका अनुसार केही दिनअघि नै बसेको संसदीय दलको बैठकले नेता चयन गरिएको छ ।
नेकपा एकीकृत समाजवादीको प्रदेश दुइमा १३ जना सांसद छन् ।
