काठमाडौं । पछिल्लो २४ घण्टामा अहिले सम्मकै अत्याधिक थप ५ हजार ७४३ जनामा कोरोना भाइरस (कोभिड-१९) को संक्रमण पुष्टि भएको छ ।
नयाँ संक्रमित मध्य काठमाडौंमा मात्र ३१०७ जना कोरोना संक्रमित थपिएका छन् । जसमध्य काठमाडौंका २३९१ जना, ललितपुरका ५४३ र भक्तपुरका १७३ जना रहेका छन् ।
यससँगै कुल संक्रमितको संख्या १ लाख ३९ हजार १२९ पुगेको छ, जसमध्ये ७९१ जनाको मृत्यु भएको छ भने ९९ हजार ६०५ जना संक्रमणमुक्त भएका छन् ।
पछिल्लो २४ घण्टामा मात्र २९९६ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ । देशभर ४४ हजार ४७६ संक्रिय संक्रमित छन् ।
