काठमाडौं । नेपालमा थप २३२ जनामा कोरोनाभाइरस संक्रमण पुष्टि भएको छ । बितेको २४ घण्टामा २३२ थप जनामा कोरोनाभाइरस संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले शनिबारको नियमित प्रेस ब्रिफिङमा सो जानकारी दिएका हुन् । योसँगै नेपालमा संक्रमितको कुल संख्या १५ हजार ४९१ पुगेको छ ।
यसैगरी २७२ जनामा कोरोनाभाइरस संक्रमण मुक्त भएका छन् । भने संक्रमणमुक्त हुनेको जम्मा संख्या ६ हजार ४१५ जना पुगेको छ ।
कोरोनाबाट थप २ जनाको मृत्यु भएको छ । रुपन्देही र गोरखाका १–२ जनागरी २ जनाको मृत्यु् भएको हो । योसँगै कोरोनाबाट मृत्यु हुनेको कूल संख्या ३४ पुगेको छ ।
