भारत: भारतको महाराष्ट्र औरंगावादमा रेलले किच्दा कम्तिमा १६ जना प्रवासी मजदूरहरुले ज्यान गुमाएको छ । औरंगावाद नजिकै रहेको करमाड स्टेशनमा रेलले किच्दा मजदुरहरुको मृत्यु भएको हो । सबै मजदूर मध्य प्रदेश गइरहेको बताइएको छ।
रेल मन्त्रालयका अनुसार शुक्रबार बिहान केही मजदूरहरु रेलवे ट्र्याकमा सुतिरहेको बेला यो घटना भएको थियो । रेलवे ट्रयाकमा सुतिरहेका मजदूरमाथि रेल चढेको थियो । रेलका चालकले उनीहरुलाई देखेर रेल रोक्ने प्रयास गरे पनि जोगाउन नसकेको बताइएको छ ।
Extremely anguished by the loss of lives due to the rail accident in Aurangabad, Maharashtra. Have spoken to Railway Minister Shri Piyush Goyal and he is closely monitoring the situation. All possible assistance required is being provided.
— Narendra Modi (@narendramodi) May 8, 2020
करमाड प्रहरीका अनुसार मजदूरहरु जालनाबाट भुसावल जाने क्रममा रेलवे ट्र्याकको छेउ हुँदै हिँडिरहेका थिए । थाकेपछि उनीहरु ट्रयाकमा नै सुत्न पुगेका थिए ।
रिपोर्टका अनुसार उनीहरु एक स्टिल फ्याक्ट्रीमा काम गर्ने मजदुर रहेको बताइएको छ | लकडाउनका कारण भारतमा रेल यातायात बन्द रहे पनि मालवाहक रेल सञ्चालन भइरहेको छ । ती मजदूरले आफू हिँडेको बाटोमा रेल सञ्चालन नहुने ठानेरै लिकलाई सिरानी बनाएर ढुक्कले सुतेको हुन सक्ने स्थानीयबासीको भनाइ छ ।
भारतीय प्रधानन्त्रीले घटनाप्रति दुःख जताएका छन् ।
