न्युयोर्क: कोरोनाभाइरसका कारण अमेरिकामा पछिल्लो २४ घण्टामा एक हजार ९ सय ३४ ले ज्यान गुमाएको छ । यो २४ घन्टाको मृयुदर अहिले सम्मकै उच्च हो | अमेरिकामा अहिलेसम्म कूल १२ हजार ८ सय ५ जनाको मृत्यु भैसकेको छ ।
वर्ल्डोमिटरको पछिल्लो आँकडा अनुसार यहाँ एकैदिन २८ हजार ७ सय ३५ जनामा कोरोना भाइरसको संक्रमण देखिएको छ ।यो संगै कूल संक्रमितको संख्या ३ लाख ९५ हजार ७ सय ३९ पुगेको छ । संक्रमितमध्ये ९ हजार १ सय ६९ को अवस्थामा गम्भीर छ भने २१ हजार ६ सय ७४ संक्रमित निको भएर घर फर्किएको बताएको छ ।
