काठमाडौं । दूरसञ्चार सेवा प्रदायक कम्पनी एनसेलले सरकारलाई ४ अर्ब ६० करोड रुपैयाँ कर तिरेको छ । एनसेलले आफ्नो सेयर स्वामित्व खरिद बिक्री वापतको पुँजीगत लाभकर तिरेको हो ।
नेपाल सरकारलाई लाभांसा तिर्न पर्ने कर नतिरेको भन्दै पछिल्लो समय एनसेलको तिब्र आलोचना भैरहेको थियो भने देसका अधिकांस ठाउहरुमा आगजानी समेत भैरहेको थियो |
मंगलबार एनसेलले सो रकम तिरेको ठूला करदाता कार्यालय प्रमुख झलकराम अधिकारीले जानकारी दिएका छन् । कुल २२ अर्ब ४५ करोड रुपैयाँ पुँजीगत लाभ कर निर्धारण भएकामा एनसेलले यसअघि चार अर्ब ५० करोड रुपैयाँ कर तिरेको थियो ।
अब कम्पनीले १४ अर्ब ४० करोड तिर्न बाँकी छ । उक्त रकम लकडाउन सकिए लगत्तै तिर्न आग्रह गरिएको समेत कार्यालय प्रमुख अधिकारीले जानकारी दिए ।
