मनामा: मध्य पूर्वमा कोरोना भाइरसको संक्रमण बढेसंगै त्यहा रहेका नेपालीहरुमा संत्रास फैलिएको छ ।

हालमात्र  बहराइनमा तीन जना नेपालीहरुमा कोरोना भाइरसको संक्रमण देखिएको समाचार बाहिर आए संगै नेपालीहरुमा थप संत्रास छाएको हो  ।

छ जना नेपाली कामदारहरुमा कोरोना भाइरसको  परीक्षणको क्रममा  तीन जनामा पोजेटिभ देखिएको नेपाली दूतावासकी उपनियोग प्रमुख तथा द्वितीय सचिव अरुना घिसिङले जानकारी दिएका छन । संक्रमण देखिएकाहरुको  परिचय गोप्य राखिएको नेपालि दुताबास बहराइनले जनाएको छ |

उहाका अनुसार अरु तीन जनामा नेभेटिभ देखिए पनि  क्वारेन्टाइनमा राखिएको छ । बहराइन सरकारले जुनै देसको नगारिक भएपनि  बहराइनमानै राखेर राम्रो उपचार गरिरहेको पनि दुताबासले बताएको  छ | बहराइनमा अहिलेसम्म   ३१० जना कोरोना भाइरसको संक्रमणमा परेको पुष्टि भइसकेको  छ ।

जसमध्य  १२५ जना पूर्ण रुपमा निको भइ घर फर्की सकेका छन् भने  भने १८४ जनाको उपचार भइरहेको  बहराइनको स्वास्थ्य मन्त्रालयले उल्लेख गरेको छ । भाइरसबाट  एक जनाको भने ज्यान गइसकेको छ । हाल बहराइनमा  रोजगारीका सिलसिलामा  करिब ३५ हजार नेपाली पुगेको तथ्य छ ।