पोखरा : मंसिर १४ मा हुने प्रतिनिधि सभा सदस्यका लागि कास्की २ बाट नेपाल कम्युनिस्ट पार्टी (नेकपा)की विद्या भट्टराईले उम्मेदवारी दर्ता गराएकी छन् । उनको उम्मेदवारीमा गण्डकी प्रदेश सभा सदस्यसमेत रहेका नेकपा कास्की अध्यक्ष कृष्ण थापा प्रस्तावक र प्रदेश सभा सदस्य प्रभा कोइराला समर्थक छन् ।
आज पोखरा राष्ट्र बैंक चोकस्थित निर्वाचन अधिकृतको कार्यालयमा भट्टराईले समर्थक सहित पुगेर मनोनयन दर्ता गराएकी छन् ।कार्यकर्ताहरु जिल्ला पार्टी कार्यालयमा भेला भएर जुलुससहित उम्मेदवारी दर्ता गराएका थिए ।
नेकपाकी उम्मेदवार विद्या भट्टराईभन्दा अघि स्वतन्त्र उम्मेदवार कमलजंग कुँवरले मनोनयन दर्ता गराएका थिए ।
भीडभाड व्यवस्थापनसहित सहजताका लागि निर्वाचन अधिकृतको कार्यालयले पार्टीहरुलाई उम्मेदवारको मनोनयनका लागि विभिन्न समय उपलब्ध गराएको छ । साझा पार्टीका अध्यक्ष रवीन्द्र मिश्र नेतृत्वमा पार्टीकी नेतृ रजनी केसीले पनि उम्मेदवारी दर्ता गारायकि छिन |
